छत्रपती संभाजीनगर(प्रतिनिधी): भारत सरकारच्या क्रीडा मंत्रालयाद्वारे मान्यताप्राप्त क्रीडा व युवा सेवा संचालनालय महाराष्ट्र राज्य पुणे तथा भारतीय स्कूल गेम्स फेडरेशन अंतर्गत जिल्हा क्रीडा अधिकारी कार्यालय जळगाव,जिल्हा क्रीडा परिषद जळगाव, उपसंचालक क्रीडा व युवक सेवा संचालनालय नाशिक विभाग यांच्या संयुक्त विद्यमाने आयोजित 68 वी राष्ट्रीय शालेय सॉफ्टबॉल क्रीडा स्पर्धा दि. 4 ते 9 जानेवारी 2025 दरम्यान आयोजित 17 वर्षातील मुला व मुलींची राष्ट्रीय शालेय सॉफ्टबॉल क्रीडा स्पर्धा जिल्हा क्रीडा संकुल,जळगाव येथे पार पडणार असून या स्पर्धेसाठी छत्रपती संभाजीनगर चे राष्ट्रीय सॉफ्टबॉल पंच संतोष चंद्रकांत आवचार यांची पंच म्हणून निवड करण्यात आली आहे.
या पूर्वी यांनी गुजरात, विशाखापटनम, आंध्रप्रदेश, उडीसा,पुरी,करणुल, छ.संभाजीनगर,नांदयाल येथे राष्ट्रीय स्पर्धेत काम केलेलं आहे. या निवडीबद्दल छ.संभाजीनगरचे जिल्हा क्रीडा अधिकारी बाजीराव देसाई,भारतीय सॉफ्टबॉल संघटनेचे उपाध्यक्ष तथा राज्य सॉफ्टबॉल संघटनेचे सचिव डॉ.प्रदीप तळवेलकर, राज्य संघटना सहसचिव गोकुळ तांदळे,जिल्हा संघटनेचे अध्यक्ष डॉ.दत्ताभाऊ पाथ्रीकर,उपाध्यक्ष डॉ.फुलचंद सलामपुरे,डॉ.उदय डोंगरे,दीपक रुईकर,राकेश खैरनार,गणेश बेटुदे,रायझिंग स्टार स्कूलचे अध्यक्ष सुभाष निकम,सचिव अरुण निकम, मुख्याध्यापिका दिपाली वाकळे, उपमुख्याध्यापक संदीप चव्हाण,स्वाती निकम,सागर रूपवते,अक्षय बिरादार,सचिन बोर्डे,भिमा मोरे,अजित झा, रफिक जमादार,स्वप्निल गुडेकर, आदींनी निवडीबद्दल अभिनंदन केले.
