सामना सुरु होण्यापूर्वी चेन्नईने रिलीज केले अँथम ; धोनीचा सुपर अवतार पाहिलात का?

मुंबई: आयपीएल २०२२ सुरू होण्यासाठी अवघे काही तास उरले आहेत. या स्पर्धेचा पहिला सामना आज चेन्नई सुपर किंग्ज आणि कोलकाता नाईट रायडर्स यांच्यात खेळला जाणार आहे. दोन्ही संघांना आयपीएल २०२२ ची सुरुवात विजयाने करायची आहे. धोनीने कर्णधारपद सोडल्यानंतर जडेजा आज पहिल्यांदा चेन्नईचे कर्णधारपद सांभाळताना दिसणार आहे.

वानखेडेवर कोलकाता विरुद्ध सामना सुरु होण्याआधी चेन्नई सुपर किंग्जने (CSK) त्यांच्या सोशल मीडियावर अँथमचा नवीन व्हिडीओ शेअर केला आहे. ज्यात धोनीचा (MS Dhoni) सुरुवातीलाच पिवळ्या गॉगलमध्ये सुपर अवतार दिसत आहे. सोबतच व्हिडिओत जडेजा आणि ऋतुराज (ruturaj gaikwad) फटकेबाजी करताना दिसत आहे. चेन्नईचा अँथम जुना असला तरी व्हिडीओ नवीन आहे. सोबतच या व्हिडिओत पहिल्यांदा चेन्नईचा चिन्ना थाला रैनाची कमी जाणवताना दिसते.

Ritual 💯 #WhistlePodu Anthem 2022! 🥳#Yellove 🦁💛 pic.twitter.com/wlRnfZkthz

— Chennai Super Kings (@ChennaiIPL) March 26, 2022

आज कोलकाता विरुद्धच्या पहिल्या सामन्यात जडेजाला कर्णधार म्हणून उतरणार आहे. आयपीएल मध्ये कर्णधार म्हणून त्याचा हा पहिलाच सीजन असेल. त्यामुळे धोनीने तयार केलेल्या विजयी संघाला एक कर्णधार म्हणून जडेजा कसा पुढे नेतो याकडे सर्वांचे लक्ष लागले आहे.