शारजाह मध्ये आज दिल्ली कॅपिटल आणि कोलकाता नाईट राइडर्स यांच्यात एलिमिनेटर 2 पार पडणार आहे. या सामन्यात जो संघ जिंकेल तो संघ थेट फाइनल मध्ये चेन्नई सोबत खेळेल. क्वालीफायर 1 मध्ये चेन्नई ने दिल्ली चा पराभव करून चेन्नई फाइनल मध्ये पोहचली होती तर एलिमिनेटर 1 मध्ये बेंगेलोर वर मात करून कोलकाता एलिमिनेटर 2 मध्ये पोहचली आहे.
आयपीएल मध्ये दोन्ही संघांमध्ये आज 30 वा सामना होईल. यापूर्वी झालेल्या 29 सामन्यांपैकी 15 सामन्यांमध्ये कोलकात्याने बाजी मारली आहे, तर 13 सामने दिल्लीने जिंकले आहेत. 1 सामना अनिर्णीत राहिला होता.
कोलकाता आणि दिल्ली या दोन संघांमध्ये झालेल्या शेवटच्या 5 सामन्यांवर नजर टाकली तर कोलकाता वर दिल्लीचा 3-2 ने वर्चस्व आहे. त्याचबरोबर शेवटच्या दोन सामन्यांपैकी एक सामना दिल्लीने तर एक सामना कोलकात्याने जिंकला आहे.
हा सामना शारजाह मध्ये खेळला जाणार असल्याने शारजाह ची पिच कशी खेळती या कडे सर्वांचे लक्ष असणार आहे.
कोलकाता आणि दिल्ली ह्या अश्या दोन टीम्स आहेत ज्यांचे पहिले 4 फलंदाज भारतीय आहेत.
ऋषभ पंतच्या नेतृत्वाखालील दिल्ली संघाने यंदाच्या मोसमात कामगिरीत सातत्य राखून साखळीत अव्वल क्रमांक पटकाविला. तर इऑन मॉर्गनच्या नेतृत्वाखालील कोलकाता संघाने शेवटच्याक्षनी क्वालीफाय करून 4 था क्रमांक पटकवला.
