छत्रपती संभाजीनगर (प्रतिनिधी): कर्नाल, हरियाणा(पंजाब) येथे २३ ते २८ मार्च २०२३ दरम्यान होणाऱ्या १५व्या राष्ट्रीय दिव्यांग व्हीलचेअर तलवारबाजी स्पर्धेसाठी छत्रपती संभाजीनगर पॅरालिम्पिक संघटनेच्या खेळाडूंचा संघ रवाना होत आहे. या संघात विनय साबळे, एकनाथ पाचे, नागार्जुन अकुला, अनिता चव्हाण, मंगल ढोकरट, रंजना शेवाळे, वैशाली स्तुल, ज्योती जगताप, वंदना जैन या दिव्यांग खेळाडूंचा सहभाग आहे.
राष्ट्रीय स्पर्धेत सहभागी होणाऱ्या संघास क्रीडा भारती देवगिरी प्रांतचे अध्यक्ष पंकज भारसाखळे यांच्या वतीने आकर्षण ट्रॅकसूट भेट देत शुभेच्छा देण्यात आल्या. या प्रसंगी प्रदीप बुऱ्हाडे, रुस्तुम तुपे, अभय देशमुख, स्मिता पटारे, अजय दाभाडे, अजयसिंग पाल आदीं उपस्थिती होते.
खेळाडूंना स्पर्धेसाठी व पुढील वाटचालीसाठी जिल्हा पॅरालिम्पिक संघटनेचे संस्थापक अध्यक्ष त्र्यंबक तुपे, कार्यअध्यक्ष डॉ.पवन डोंगरे, प्रवीण कटारिया आदींच्या वतीने शुभेच्छा देण्यात आल्या.
