मुंबई | कोलकाता नाईट रायडर्स आणि पंजाब किंग्ज यांच्यात मुंबईतील वानखेडे स्टेडियमवर सामना खेळला जात आहे. ज्यामध्ये श्रेयस अय्यरने नाणेफेक जिंकून पंजाबला प्रथम फलंदाजीसाठी आमंत्रित केले. प्रथम फलंदाजीला आलेल्या पंजाब किंग्जला केकेआरने धुव्वादार गोलंदाजीच्या बळावर केकेआरने १३७ धावांवर रोखले होते. ज्याचा पाठलाग करताना कोलकाताने ६ विकेट्सने सामना जिंकला.
सामन्यात गोलंदाजी करताना उमेश यादवने (umesh yadav) सामन्यात ४ विकेट्स घेत स्पर्धेत पर्पल कॅप आपल्या नावे केली. त्याने पंजाबच्या (PBKS) संघातील खेळाडूंना पळवून लावले. पंजाबकडून केवळ शेवटच्या फळीतील कागिसो रबाडा आणि ओरियन स्मिथ यांनी चांगली फलंदाजी केली. त्यांच्या कामगिरीने पंजाब १३७ पर्यंत पोहचू शकला. वानखेडेच्या या फलंदाजी विकेटवर केकेआरच्या फलंदाजांनीही चांगली सुरुवात केली.
ANDRE RUSSELL. That's it. That's the tweet. 😍#AndreRussell #KKRHaiTaiyaar #KKRvPBKS #IPL2022 pic.twitter.com/nNOcYYhyrR
— KolkataKnightRiders (@KKRiders) April 1, 2022
१३८ चा पाठलाग करताना सलामीची जोडी लवकर माघारी परतल्यावर केकेआरचा कर्णधार श्रेयस आणि सॅम बिलिंग्सने पारी सांभाळली. मात्र यानंतर पंजाबच्या राहुल चहरने श्रेयसची विकेट बघत दुसऱ्या चेंडूत नितेश राणालाही शून्यावर माघारी पाठवले. पंजाबचे राणाला बाद करणेच महागात पडले. कारण यानंतर फलंदाजीला आल्या आंद्रे रसेलने (andre russel) धुव्वादार बॅटिंग केली. त्याने ३१ चेंडूत ७० धावा करत आपल्या मसल पॉवरने केकेआरला आरामात सामना जिंकून दिला. या विजयासह कोलकाता आता पॉईंट्स टेबलमध्ये अव्वल स्थानी आला आहे.
रसेलचे झंझावाती अर्धशतक
पंजाबकडून मिळालेले १३८ धावांचे आव्हान पूर्ण करताना, कोलकाताची सुरुवात खराब झाली. त्यांचे दोन्ही सलामीवीर ३८ धावांमध्ये माघारी परतले. त्यानंतर राहुल चहरने एकाच षटकात दोन बळी घेत कोलकाताची अवस्था ४ बाद ५१ केली. त्यानंतर मात्र केवळ आंद्रे रसेल शो दिसला. त्याने ८ षटकारांचा पाऊस पडताना ३१ चेंडूंमध्ये नाबाद ७० धावा कुटल्या. त्याला सॅम बिलिंग्सने २४ धावा काढून साथ दिली. कोलकाताने केवळ १४.३ सटका मध्ये आव्हान पूर्ण केले. या विजयासह कोलकाता गुणतालिकेत पहिल्या स्थानी पोहोचला आहे.
