नवी दिल्ली : टोकियो ऑलिम्पिकमध्ये झालेल्या पराभवानंतर नोव्हान जोकोव्हिचचे गोल्डन ग्रँड स्लॅम जिंकण्याचे स्वप्न अधुरे राहिले होते. मात्र आता अमेरिकन ओपनच्या अंतिम फेरीत धडक मारल्यानंतर तो कॅलेंडर स्लॅम जिकंण्यापासून केवळ एक पाऊल दूर आहे. एका वर्षात होणाऱ्या चार मोठ्या स्पर्धेत विजेतेपद म्हणजेच ग्रँड स्लॅम जिंकणे यालाच गोल्डन ग्रँड स्लॅम किंवा कॅलेंडर स्लॅम पटकावणे असे म्हणटले जाते.नोव्हाक जोकोव्हिचने २०२१ मध्ये ऑस्ट्रेलियन ओपन, फ्रेंच ओपन आणि विम्बल्डन या स्पर्धांचे विजेदेपद मिळवले आहे.
टोकियो ऑलिम्पिकमध्ये सुवर्ण जिंकत आपले गोल्डन ग्रँड स्लॅम पूर्ण करण्याचे त्याचे स्वप्न होते. मात्र त्याला पराभवाचा सामना करावा लागला होता. त्याला कांस्यपदकासाठी झालेला ही सामना जिंकता आला नाही. आता अमेरिकन ओपन स्पर्धेत त्याने ऑलिम्पिकमध्ये सुवर्ण मिळवलेल्या जर्मनीच्या अॅलेक्झांडर झ्वेरेव्हचा ४-६, ६-२, ६-४, ४-६, ६-२ अशा सेटने ३-२ ने पराभूत करत ऑलिम्पिकचा बदला घेत गोल्डन ग्रँड स्लॅम जिंकण्याचे स्वप्न जिवंत केले आहे.
जोकोव्हिच गोल्डन ग्रँड स्लॅम जिंकण्यापासून केवळ एक पाऊल दूर आहे. १९६९ नंतर कॅलेंडर ग्रॅड स्लॅम पूर्ण करणारा पहिला पुरुष खेळाडू जोकोव्हिच ठरू शकतो. १९६९ साली रॉड लिव्हर यांनी चारही ग्रॅड स्लॅम जिंकले होते. तत्यानंतर एकही पुरुष खेळाडूला अशी कामगिरी करता आलेली नाही. १९८८ मध्ये गोल्डन ग्रँड स्लॅम जिंकणारी स्टेफी ग्राफ पहिली महिला खेळाडू ठरली आहे. त्यामुळे तब्ब्ल ३२ वर्षांनी कोणत्याही टेनिसपटूने गोल्डन ग्रँड स्लॅम पटकावण्याची संधी नोव्हाक जोकोव्हिचकडे आहे. कॅलेंडर ग्रँड स्लॅम पटकावण्याचे स्वप्न तो अंतिम सामना जिंकून पूर्ण करू शकतो.
