गोवा: गोवा सॉफ्टबॉल असोसिएशन व स्पोर्ट्स ऑथॉरिटी ऑफ गोवा आणि भारतीय सॉफ्टबॉल असोसिएशन यांच्या संयुक्त विद्यमाने पणजी(गोवा) येथे सुरु असलेल्या 13 व्या वरिष्ठ राष्ट्रीय पुरुष-महिला फेडरेशन कप सॉफ्टबॉल स्पर्धेचे उदघाटन गोवा राज्याचे मुख्यमंत्री प्रमोद सावंत यांच्या हस्ते पार पडले. या वेळी उपास्थित भारतीय सॉफ्टबॉल संघटनेचे CEO प्रवीणजी अनावकर, भारतीय सॉफ्टबॉल संघटनेचे मौर्या सर, श्रीकांत थोरात लक्ष्मण गहलोत हे उपस्थित होते.
पहिल्या दिवसाच्या सामन्यांमध्ये महाराष्ट्र पुरुष संघाने विजयी सलामी देऊन स्पर्धेत आपले वर्चस्व निर्माण केले आहे तर महाराष्ट्र महिलांच्या संघाला पराभवाचा सामना करावा लागला.पुरुषांच्या गटामध्ये झालेल्या आज पहिला सामन्यात महाराष्ट्र पुरुष संघाने मध्यप्रदेश या संघाला 03-0 होमरण च्या फरकाणे नमविले.
आज झालेल्या पुरुषाच्या सामन्यात महाराष्ट्राच्या उत्कृष्ट पिचर गौरव चौधरी याने भेदक पिचिंग करत सोबत एक होमरण ही मारला. तसेच जयेश मोरे,ऋतिक फाटे यांनी उत्कृष्ट खेळी करत आपल्या संघाना विजय प्राप्त करुन देणायत महत्वाचे योगदान दिले.
या दोन्ही संघाना गोकुळ तांदळे,दीपक रुईकर, प्रसेनजित बनसोडे,गणेश बेटूदे,ऐश्वर्या भास्करण,पूजा चव्हाण यांचे मार्गदर्शन लाभत आहे.
पंच म्हणून जुगलकीशोर शर्मा, मुकुल देशपांडे, विकास वानखेडे, सुयोग कल्पेकर, शेषणाग, प्रसन्न पळनिटकर यांनी काम पहिले. या विजयाबद्दल महाराष्ट्र राज्य सॉफ्टबॉल संघटनेचे सचिव डॉ.प्रदीप तळवेलकर, प्रशांत जगताप,रमाकांत बनसोडे, डॉ सुरज येवतिकार, नितीन पाटील, यांनी अभिनंदन केले.
