छत्रपती संभाजीनगर (प्रतिनिधी ): २१ ते २३ एप्रिल २०२३ दरम्यान ओटो-सिटी,टोकियो, जपान येथे सुझुकी एरोबिक्स जिम्नॅस्टिक्स वर्ल्ड कप स्पर्धेचे आयोजन करण्यात आले आहे. या स्पर्धेचे आयोजन फेडरेशन इंटरनॅशनल दी जिम्नॅस्टिक्स FIG, तसेच इंटरनॅशनल एरोबिक्स फेडरेशन, जपान यांच्या संयुक्त विद्यमाने करण्यात आले आहे.
या स्पर्धेकरिता भारतातून मीत कोसंबीया – वरिष्ठ गट पुरुष एकेरी (गुजरात), अंजोरी पानगंबम कनिष्ठ गट महिला एकेरी व ,अरीहा पानगंबम – वरिष्ठ गट महिला एकेरी ( दोन्ही मणिपूर) या ३ खेळाडूंची निवड झाली आहे. या संघा बरोबर प्रशिक्षक म्हणून युमनाम रंजनसिंग – (मणिपूर),सागर बिडीवाला – (गुजरात) यांची निवड करण्यात आली आहे.
तसेच या संघा बरोबर संघप्रमुख व पंच म्हणून डॉ.मकरंद जोशी यांची निवड करण्यात आली आहे. या संघाची घोषणा मार्च मध्ये बेंगलोर येथे झालेल्या राष्ट्रीय एरोबिक्स जिम्नॅस्टिक्स स्पर्धेमध्ये करण्यात आली. विशेष म्हणजे या संघास मारुती सुझुकी इंडिया व हाकूहोडो सीन्क प्रा.लि., दिल्ली यांनी पुरस्कृत केले आहे एरोबिक जिम्नॅस्टिक्स भारतीय संघाला पहिल्यांदाच अशा पद्धतीने संपूर्णपणे स्पर्धेसाठी पुरस्कृत करण्यात आले आहे.
या स्पर्धेकरिता जिम्नॅस्टिक्स फेडरेशन ऑफ इंडियाचे अध्यक्ष सुधीर मित्तल, कोषाध्यक्ष कौशिक बिडीवाला, मारुती सुझुकी चे साईटो सॅन, नायोटो ताकाहाशी, विशाल शर्मा, महाराष्ट्र हौशी जिम्नॅस्टिक्स संघटनेचे अध्यक्ष संजय शेटे, उपाध्यक्ष डॉ.आदित्य जोशी ,उपसंचालक भारतीय क्रीडा प्राधिकरण पश्चिम विभाग नितीन जैस्वाल, उपसंचालक क्रीडा व युवक सेवा संचलनालय छत्रपती संभाजीनगर विभाग सुहास पाटील, मसांमचे अध्यक्ष राम पातूरकर, सचिव हेमंत पातूरकर, जिल्हा संघटनेचे कार्याध्यक्ष ॲड.संकर्षण जोशी, उपाध्यक्ष डॉ.रणजीत पवार सचिव हर्षल मोगरे, कोषाध्यक्ष डॉ.सागर कुलकर्णी,डॉ.विशाल देशपांडे, अमेय जोशी, संदीप गायकवाड, राहुल तांदळे, रोहीत रोंघे, भारतीय क्रीडा प्राधिकरण पश्चिम विभाग जिम्नॅस्टिक्स प्रशिक्षक संजय मोरे, टीएसो सौ. तनुजा गाढवे यांनी सर्वांना स्पर्धेसाठी शुभेच्छा दिल्या.
