जालना (प्रतिनिधी)- जालन्याच्या प्रतिभावंत फुटबॉल खेळाडू अर्णव शिंदे आणि ऋत्विक बगाडिया या दोघांचा धर्मापुरी तामिळनाडू येथे होणार्या फूटसल राष्ट्रीय स्पर्धेसाठी महाराष्ट्र संघात निवड करण्यात आली आहे. दोन्ही खेळाडू युद्ध फुटबॉल अकॅडमी कडून खेळतात. दोन्ही खेळाडूंना प्रशिक्षक अमीर यार खान यांचे विशेष मार्गदर्शन लाभले आहे.
तसेच सदर स्पर्धेसाठी आमिर यार खान यांची महाराष्ट्र संघाच्या प्रशिक्षकपदी नियुक्ती करण्यात आली आहे. धर्मापुरी येथे 9 ते 12 ऑक्टोबर दरम्यान राष्ट्रीय स्पर्धेत हे खेळाडू महाराष्ट्र राज्याचे नेतृत्व करणार आहे. या स्पर्धेसाठी महाराष्ट्र राज्य संघ रवाना झाला आहे. प्रशिक्षक आमिर यार खान ऋतिक बगडिया आणि अर्णव शिंदे यांनी केलेल्या विशेष कामगिरीबद्दल जालन्याचे आमदार कैलास गोरंट्याल यांनी स्वतःच्या निवास्थानी यांचे स्वागत सत्कार करून कौतुक केले
राष्ट्रीय स्पर्धेसाठी शुभेच्छा दिल्या.अर्णव शिंदे हा मध्य फडीत खेळतो तर ऋतिक बगडिया हा गोल रक्षक च्या भूमिकेत खेळणार आहे. सदर स्पर्धेसाठी महाराष्ट्र राज्य संघाची निवड चाचणी पुणे येथे करण्यात आली होती. या चाचणीसाठी राज्यभरातून जवळपास शंभर ते दीडशे खेळाडू आले होते. त्यात या दोघा खेळाडूंची निवड झाल्याने शहरातून कौतुक तसेच आनंद व्यक्त होत आहे.
