स्पोर्ट्स पॅनोरमा | वृत्तसेवा
भारतीय क्रीडा क्षेत्रात स्वच्छ, पारदर्शक आणि निष्पक्ष स्पर्धांना प्रोत्साहन देण्यासाठी राष्ट्रीय डोपिंगविरोधी संस्था (NADA India) ने खेळाडू, प्रशिक्षक, अधिकारी आणि क्रीडा क्षेत्राशी संबंधित सर्व नागरिकांना पुढे येण्याचे आवाहन केले आहे. संशयास्पद डोपिंग किंवा डोपिंगविरोधी नियमांच्या उल्लंघनाबाबत कोणतीही विश्वासार्ह माहिती असल्यास ती NADA India च्या ‘Speak Up’ प्लॅटफॉर्मद्वारे गोपनीयपणे नोंदविण्याचे आवाहन करण्यात आले आहे.
NADA India च्या मते, स्वच्छ खेळ (Clean Sport) ही केवळ नियमांची अंमलबजावणी नसून प्रत्येक खेळाडू, प्रशिक्षक आणि क्रीडा व्यवस्थेशी संबंधित व्यक्तीची सामूहिक जबाबदारी आहे. डोपिंगविरोधातील लढ्यात माहिती देणाऱ्यांची भूमिका अत्यंत महत्त्वाची असून, अशा व्यक्तींची ओळख पूर्णपणे गोपनीय ठेवली जाईल, अशी हमी संस्थेने दिली आहे.
संस्थेने स्पष्ट केले आहे की, डोपिंगशी संबंधित कोणतीही संशयास्पद हालचाल, प्रतिबंधित औषधांचा वापर, वितरण किंवा डोपिंगविरोधी नियमांचे उल्लंघन यासंदर्भातील माहिती नागरिकांनी निःसंकोचपणे शेअर करावी. वेळेवर मिळालेली माहिती स्वच्छ क्रीडा संस्कृती जपण्यासाठी आणि निष्पक्ष स्पर्धा सुनिश्चित करण्यासाठी महत्त्वाची ठरू शकते.
तक्रार नोंदविण्यासाठी संपर्क :
- हेल्पलाइन: +91 9205145557
- ईमेल: [email protected]
NADA India ने सर्व क्रीडाप्रेमी, खेळाडू आणि क्रीडा संघटनांना ‘स्वच्छ खेळा’च्या भावनेला बळकटी देण्यासाठी पुढाकार घेण्याचे आणि संशयास्पद डोपिंगविरोधी प्रकरणांची माहिती संस्थेला देण्याचे आवाहन केले आहे.
